* إن أردت أن تكون غنيا فكن من أهل الحزب الوطنى ، وإن أردت أن تكون فقيرا فكن محترما صادقا غير مدلس ( وما تسالنيش يعنى إيه غير مدلس )
* الكاتب السيناريست بلال فضل أيام جريدة الدستور كان يكتب باب ( قلمين ) الذى تعلمنا منه لكثير وجعلنا مجنونين به. وكانت صفحته أول الصفحات التى نقرأها
ولكن يبدو أن القلمين قد كُسرا ولذلك إنتقل منذ سنوات لجريدة المصرى اليوم … بقى بيعمل اصطباحة ..لا تسمن ولا تغنى من جوع للقراء …لكن ممكن تُسمن حد تانى !!..وأحيانا كتيرة تكون اصطباحة بايتة أوى أو ملهاش لازمة.
* مش عارف رؤساء الصحف القومية بيعملوا فى نفسهم كده ليه وعاملين ما مابعد خدهم مداس للسلطة… وبيكتبوا للشعب أخبار ناس عايشة فى بلد تانى اسمها ( سمبو) تحيا فى بحبوحة من الديموقراطية التى ترفل فى رخاء مغموس بالبذخ، …..منكم لله ربنا ينتقم منكم..زى ما أنتقم من اللى بالى بلك….
* …القهاوى كلها بقت مشروبها الوحيد قهوة سادة ..لآ يا أخى مش حزنا على المرحوم الإنتخابات النزيهة اللى فاتت!!!! .. ده لأن السكر وصل لتسعة جنيه
* معالى رئيس الوزراء بيقول نجاح الوزراء التسعة فى الإنتخابات يدل على شعبية الوزارة الكبير وحب الشعب لها…..طب بالذمة ده كلام ..طب مش لما يبقى فيه انتخبات!!
* القروش هاجمت شرم الشيخ وأكلت السواح …ربنا يستر على شرم الشيخ واللى قاعدين فيها على طول من زمااااااااااااااااااان .
* أغلقت الحكومة قناة الفراعنة الفضائية لأنه صاحب القناة الدكتور اللى مرشح نفسه فى الإنتخابات أعلن نجاحه قبل نهاية الإنتخابات بأيام…الحكومة زعلت منه ..لأنه ماكنش العشم أنه يذيع النتيجة قبل الكنترول مايطبخها ..أقصد قبل ما يذيعها.
* نفسى الاقيكى يامصر تانى ..لكنك مغلبانى .مش لاقيكى.. ومش شايف غير بلطجية و كمان متسلطنين ..قافلين كل الحوارى والدكاكين..ومحاوطينك خلوا كل دروبنا ليكى مسدودين ..مخبيين عنى وشك الحزين,, آه يامصر وحشتينى..
جملتين ...وبس ..بقلم أحمد التابعى
الإثنين يونيو 06, 2011 9:57 am من طرف 
موضوع: اسمع منى وخلاص 
