شويه تخاريف انما ايه اتفرجوا على دا تهيس

السلام عليكم ورحمة الله وبركاته
*******
شوية تخاريف

الموضوع ببساطة .. عبارة عن شوية تخاريف ..هايكون ايه غير كده ..
المهم .. الموضوع اللى بتكلم فيه عن الانتماء .. كلمة غريبة قوي علينا اليومين دول .. خصوصا مع التخبط اللي حاصل جوانا كلنا ..

هو احنا المفروض ننتمي لمين .. تعالوا نشوف بعض الاجابات المحتملة ..


اولا : انا مصري وأفتخر ..
- يا شيخ روح العب بعيد .. هي مصر عملت ليك وايه ..وبتفتخر....؟؟؟
- ازاي بقى مش هي اللي ربتني ..؟؟
- لا اللي رابك ابوك وامك ..
- مش هي اللي علمتني ..؟؟
- اللي علمك فلوس الدروس الخصوصية ..
- مش باكل من خيرها ..؟؟
- ايوة كله مليان موبيدات وتقاوى مسرطنة ..
- مش انا عايش على ارضها ..؟؟
- ايوة علشان تشتغل ويطلع عينك علشان غيرك يعيش مبسوط ..
- لا انا مصري بقى .. مش كفاية اخدنا كاس الأمم 6 مرات ..
حلوة دى


ثانيا : انا عربي
- يعني ايه عربي ..؟؟ خليجى ولا افريقى ..؟؟
- عربي يا كابتن .. يعني بتكلم عربي ..
- يعني جامعة الدول العربية ..؟؟
- يعني الشعب العربي ..
- اللي واقف يتفرج مستني يشوف الدور على مين علشان يندبح ..؟؟
- يعني الضمير العربي ..
- ده اسم اغنية ولا ايه ..؟؟
- يعني القومية العربية ..
- يا عم الاموات لا تجوز عليهم الا الرحمة

ثالثا : انا مسلم .. ايوة هي دي انا مسلم ..
- انا اسف .. بس شيعي ولا سني ..
- بقولك مسلم .. بصلي واصوم
- يعني مع الاخوان ولا حزب الله .. حماس ولا فتح .. السنة ولا الشيعة .. السعودية ولا ايران ..
- مش عارف ..

انا مجرد مسلم .. عربي .. مصري .. ماليش في السياسة .. عايز بس اعيش .. واحب الناس .. واتحب من الناس ..


عايز الاقي معاملة كريمة استحقها .. عايز الاقي اخواتي حواليا ..


انا مسلم عربي مصري .. مهما كان ومهما يكون .. هوه ده انا ..

ايه رايكم

دى مجرد خاطرة.. هل انتمائنا للوطن . يفرض على الوطن مبادلتنا بالمثل ..

ام ان الانتماء بلا مقابل ..؟؟

ولماذا انتمي الى وطني .. هل لاني ولدت فيه ..؟؟ وهل لاننا ولدنا في بلدة معينة يجب علينا ان ننتمي اليها .. ؟؟

واعذرونى شوية تخارف كدا على الماشى

لكم منى كل الود وفائق الاحترام

المحترف

يا كيمو بطل تخريف الله يخرب عقلك


بس حلو الموضوع ده يسلمووووووووو